ناظوربريس
مهدي خطابي: أخصائي
حول المثلية الجنسية
حول المثلية الجنسية و الإضطلاع على بعض التعاليق، لاحظت باللي كاين خلط عند الناس بين المثلية الجنسية و الشذوذ الجنسي ، بحكم التخصص ديالي في مجال علم النفس الإكلينيكي ( Psychologie Clinique) و كنشوف ناس مايتلاموش لأن حتى الإعلام كيوصل المفاهيم مغلوطة …باش كنقولو المثلية الجنيسية أو الشذوذ الجنسي راه واخا كاين فرق بيناتهم ، إلا و المسمى المعطى ليهم غير دقيق و منقدروش نقولو عليه غالط و المسمى الصحيح بالنسبة لي هي (الإضطربات الجنيسة أو الجنسانية ) و هاد الإضطربات تقدر يتولد بها الفرد كخلل هرموني مثلا وخا فيزيولوجيا كيبان راجل أو امرأة و يقدر يتكتسب بعدة أسباب ندكرو منها (عدم تقدير الذات ، الإقصاء، عدم التعرف على تمثلات دكورية من المحيط….و اللائحة طويلة)…
نعطيو مبدئيا تعريف مبسط على كل وحدة …المثلية و الشذوذ و الإنحرفات الجنسية (هاد التعريف بطريقتي ماشي مرجع علمي ).
المثلية الجنسية تقدر أو إذا أصح المثلية الجنسانية هي تشبه أو اتباع سلوك الجنس المخالف لك ، بمعني أننا نقدرو نلقاو راجل مبنت و مرا مرجلة ( سلوكيا ماشي خونثى) . و هاد النوعين ماشي بضرورة يكونو كيمارسو الجنس بمعنى الراجل كيبغي الراجل و لمرا كتبغي لمرا و إنما سلوكاتهم كتختالف على الفيزيولوجية ديالهم و هادشي على أن الإسم الأصح هو الجنسانية و ماشي الجنسية لأن الجنسية مربوطة بالممارسة الجسدية ،
أما الخونثى فكيكون خلل هرموني و حتى عيب خلقي ..إما بعضوين تناسليين أو واحد غير طبيعي بحال اللي تقول دكر بفرج و بنت بقضيب مثلا ..هاد النقطة مانقدرش نفصل فيها حيث ماشي تخصصي …
بالنسبة لشذوذ الجنسي ، غادي نرجعو لنفس النقطة ديال الإعلام كيوصل داكشي محدود أولا غير باش يبيع لمنتوج ديالو …الشذوذ الجنسي مامنحاصرش في راجل مع راجل ولا مرا مع مرا ، و إنما هو ممارسة جنسية غير متوازنة ..مثلا العادة السرية راه شذوذ جنسي ( كيف يعقل أن شي حد يشتهي يديه اللي هي جزء منو ) و حتى هاد الممارسة كتجي نتيجة أفكار و تخيلات شاذة ( Fantasme ) مايمكنش يحققها على أرض الواقع … الجنس الجماعي راه شذوذ ، الجنس من دبر راه شذوذ ، ..الإنسان اللي ما كيمراسش الجنس كاع ( Asexuel) راه شاذ جنسيا …و هادشي خلى العلم يتحرك و يزيد يدرس هاد الحالات و نخص بالذكر هنا الشذود بين الجنسين ( اللوطيون و السحاقيات ) و توصلو بأن هاد الناس ما عندهومش معانة نفسية أو جسدية اتجاه تلك الممارسة الشيء اللي خلى منظمة الصحة العالمية تحيدو من لائحة الأمراض و الإضطربات و حكمات ليهم المحكمة العالمية سنة 2014 بممارسة حياتهم بحرية و بشكل طبيعي …مقتطف من مقال : “اضطراب الهوية الجنسية”
((وفق للاصدار الخامس من الدليل التشخيصي والإحصائي للاضطرابات النفسية DSM5، فإن المصطلح ” اضطراب الهوية الجنسية “Gender identity” مصطلح غير مناسب، لأنه يوحي بأن الأعراض التي يظهرها من شخص وا به ذات أصل مرضي. ولكنها في الحقيقة مرتبطة بالمجتمع نتيجة لمعاملتهم على عكس هويتهم الجنسية ذات المنشأ التكويني. لذلك اعتمد المصطلح “Gender Dysphoria” كمصطلح بديل، و الذي يعني حرفياً “تعاسة الجندر”. أما استخدامنا للمصطلح “تغاير النوع الإجتماعي”، فهو ترجمة اجتهادية مبنية على المفهوم وراء هذه الحالة التشخيصية (الغير مَرَضيّة).
أما بالنسبة للانحرفات الجنسية ما غاديش نطول فيه و إنما باختصار هو ممارسة جنسية غير طبيعية لتحقيق اللذة مثل ما هو معروف السادية و المازوخية و هادشي كاين في فيلم : the fifty shades of grey
و نقدرو نتعمقو في هاد النقطة في واقت لاحق إن شاء الله ..شكرا لكم و السلام عليكم .
